منتدى الفرح المسيحى - يا حنية قلبك يا يسوع😍

https://upload.chjoy.com/uploads/168723049641061.jpg

حاجة غريبة جداااا لما جيت فكرت فى قصة الزانية
اللى أُمسكت فى الفعل ...
.وقصة المراة الخاطية اللى غسلت رجلين المسيح
بدموعها وجابت قارورة طيب غالية الثمن !!

لقيت إن الاتنين خطيتهم واحدة !
والاتنين عملوا حاجة عكس بعض خالص
واحدة راحت وجابت طيب غالى وبكت دموع كتييير جدااا ♥️
وواحدة مقالتش حتى سامحنى اخطات !!! 🤔

الأغرب بقى رد فعل المسيح فى القصتين 😄
إنه غفرلهم وسامحهم😳😍
طب ايه التفرقة دى بقى؟!!
الرد اللى ينهى القصة دى ( حنية قلبه ) ! ☺️🥰

هو قال كفاية على دى انها إتهانت قصاد الناس
كفاية كرامتها اللى اتبعترت
كفاية شكلها قصاد اللى رايح وجاى يتفرج😞
متخيل شكلها مقرفصة ومش قادرة تبص فى وشه
علشان متتكسفش من طاقة الحب اللى خارجة من عينيه
وهو بيدافع عنها رغم خطيتها وفضيحتها☺️
خجلها دة واحساسها بس بغلطها كان كفاية يحرك قلبه🥺♥️

بس الاحساس ؟!!! اه إحساسها بس بغلطها
ياريتنا احنا حتى نحس بالبلاوى اللى بنعملها 🥹😭

وخليك عارف هو مش بيفرق بين اتنين بنفس الامكانيات
اتقدموا لوظيفة واحد اتقبل والتانى اترفض !!

إعرف انه هو كلى الصلاح عارف بيأدب كل واحد ازاى
وكل واحد بيستحمل ايه لأنه فاحص القلوب والكلى ♥️
انت بس سيب نفسك ليه ....
وخليك مكسوف وحاسس ببلاويك هتلاقيه بيقولك
#إذهب_ولا_تعد_تخطئ_ايضا ❤
يا حنية قلبك يارب😍