منتدى الفرح المسيحى

https://upload.chjoy.com/uploads/168691480933121.jpg

تعالوا نتناقش مع بعض🤗 فى فكره بسيطه ال( role model)
يعنى ايه🤔
تفتكروا ليه كل واحد فينا بيفضل يدور على قدوة فى حياته🤔
ويتمسك بالشخص ده ويشوفه بيتصرف ازاى ويتصرف زيه؟
كنت درست انه الطفل👶
من سن سنه ونص لتلاته بيبدأ يدور 👀
على قدوه وبتكون قدوته الاب والام👨‍👩‍👦
وكل مايكبر بيحط ناس تانيين قدوه فعند سن ٧ ل ١١ سنين يبدأ ياخد أصحابه قدوة، واكتشفت ان شعور يبقى لازم ليك قدوة ده بيبدأ معانا من بدرى قوى👌، علشان كده جايه اقدملكم احلى role model
واعظم قدوة الرب يسوع المسيح ❤.
مكتوب عنه كده "لأَنَّكُمْ لِهذَا دُعِيتُمْ
. فَإِنَّ الْمَسِيحَ أَيْضًا تَأَلَّمَ لأَجْلِنَا، تَارِكًا لَنَا مِثَالاً لِكَيْ تَتَّبِعُوا خُطُوَاتِهِ."
(١ بطرس ٢: ٢١)
شوفت تارك مثال دى🤗 يعنى قدوة عظيمه جدا،
حلو قوى نتمسك بيه ونشوف كان بيتصرف ازاى ونتصرف زيه🥰.
كانوا بيقولولنا ف مدارس الأحد زمان كل موقف تمر بيه
تخيل الرب يسوع مكانك كان هيتصرف ازاى😍
مبدأ جميل طول الوقت عينيا مرفوعه على قدوتي
أتعلم منه واسلك زيه🤩 ومش اى قدوة ده مثال كامل حياته
تشرف بكل المقاييس🙈.
يمكن مرات كتير اخدنا قدوتنا ناس معينه
وفجأة صورتهم اتهزت قدامنا بسبب حاجات مش كويسه طلعت منهم🥺
لكن القدوه الوحيده اللى مش ممكن ابدا هايخزلك ❤
شخص الرب يسوع المسيح اللى هنتعلم مع بعض من حياته
ازاى نحب وازاى نضحى لأجل بعض🙏
وده شوفناه في الصليب "لأَنَّهُ هكَذَا أَحَبَّ اللهُ الْعَالَمَ
حَتَّى بَذَلَ ابْنَهُ الْوَحِيدَ، لِكَيْ لاَ يَهْلِكَ كُلُّ مَنْ يُؤْمِنُ بِهِ
، بَلْ تَكُونُ لَهُ الْحَيَاةُ الأَبَدِيَّةُ". (يوحنا ٣: ١٦)