منتدى الفرح المسيحى - راجل مش ملطشة

https://upload.chjoy.com/uploads/168685433807311.jpg

كان في حد من عيلتي بيقول لأي حد يختلف معاه (منك لله)
… ويارب اللي أنت عملته فيّ يتعمل فيك..😒
كمان كان بيتكلم بثقة إن الله هيسمع له لأنه على حق… 😟
بعد سنين اتفاجئت إن الكلمة اتخزنت جوايّ ،
لما اتعرضت لظلم شديد في الشغل
لاقيت نفسي باقول نفس الجملة جوايّ…
وحسيت برغبة في الانتقام .. نفسي يتأذي زي ما آذاني..😏

وطبعا طاقة الكره والغضب فضلت تفصلني عن الله
يوم عن يوم بسبب الوحاشة الي شايلها قلبى…😢

وفي يوم قريت :
وَأَمَّا أَنَا فَأَقُولُ لَكُمْ: لاَ تُقَاوِمُوا الشَّرَّ،
بَلْ مَنْ لَطَمَكَ عَلَى خَدِّكَ الأَيْمَنِ فَحَوِّلْ لَهُ الآخَرَ أَيْضًا.(مت 5: 39)

ايييييييييييه ده😟.. هو أنت يا رب عايزني أكون ملطشة بقى.
. مش بس منتقمش لا ده أسيب حقي لما اتضرب…
وأبقى مش راجل لامؤاخذة …!!!😳
فضلت سنين موجوع .. باصارع مع نار الانتقام اللي جوايّ..
مش فاهم ربنا بيقول إيه…
سنين و أنا باقوله هتجيب حقي ازاي يا رب؟؟..🥺

وفيوم وأنا منهار من البكا وباصلي ليسوع.. وراني الصليب
… وقال لي حاسس بيك ، أنا سبت حقي قبلك..❤️
أنت بس مش شايف هدف حياتك!!😟

أدركت الهدف اللي باجري ليه هو أني أشبه يسوع في حياتي
…أجول أصنع خير وأنقذ أرواح من قبضة إبليس..
وسط ما أنا باجري عدي عليّ إنسان لطشني على وشي …
ياترى هاقف اضربه وافكر ازاي انتقم منه
ويعطلني سنين وسنين وبعدها انسى اصلا انا هنا ليه !!! 😳

ولا اسيبه يضربني وأقوم وأجري على هدفي
.. أقوم ألحق أخواتي ..
أقوم أجيب السما هنا على أرض الضلمة..
و ابقى راجل في المحبة..💪