منتدى الفرح المسيحى - زوادة اليوم : أقوى مِنّي و منكن !2023/6/11

زوادة اليوم

أقوى مِنّي و منكن !

https://upload.chjoy.com/uploads/168637169274581.jpg
بيخبرو عن زلمي ختيار عايش وحدو و ولادو بيضل بالن مشغول عليه.

كل شوي بيدقّولو يا بَيّي أوعى تنسى تاخد الدوا، يا بَيّي إنتبه
إنت و ماشي، يا بَيّي أوعى تتعب، يا بَيّي أكلت؟...

عا طول جوابو واحد، بيقلّن:

إنتو بتضلّوا تقولولي إنتبه و ناسيين إنّو اللي عم ينتبه عليّي
أقوى مِنّي و منكن!

هالختيار المؤمن اللي في حَولو كل أنواع الخطر مش شايفن
و لا عاطيهن أهميّة مش لأنّو مش عارف إنّن موجودين
بس لأنّو إيمانو بالرب كبير لدرجة حاسس بالأمان
و السلام بالرغم من كل شي...

يا ربّ عطينا نكون متل هالختيار نسَلمك أمرنا من أصغر
لأكبر الإشيا و ما يمرق يوم بلا ما نقول لتكن مشيئتك!

الله معكن 🙏