منتدى الفرح المسيحى - جرب الدوا ده

https://upload.chjoy.com/uploads/168607693650651.jpg

اوقات بنكتب علي الفيس كلمات
بنحط صور معينه
او ترانيم
او حتي اغاني
علشان بس اللي زعلنا او اللي جرحنا او اللي وجعنا يحس
اننا زعلانين ويحس بوجعك
عاوز اقولك دي افشل طريقه ممكن تتخيلها
الطريقه دي فيها اهانه ليك اكتر من الوجع اللي انت حاسه
من الناس اللي قريبين منك
اقولك علي حل؟
جربت تفتح الكتاب المقدس وتلزق وشك فيه وتبكي
وتطلع كل طاقه حزنك وغضبك جوه الكتاب المقدس ؟
دوقت الدوا ده قبل كده ؟
اشجعك تدوقه
افتح انجيلك واقراه ولما تخلص غطي وشك بيه وابكي بالتعب اللي جواك
خلي الايات تلمس دموعك ودموعك تلمس كلمات وانفاس الله
ساعتها مش هاتعوز تبكي مع حد ولا هاتستني
حد يقولك كلمه يطيب خاطرك بيها
ساعتها روح الله القدوس هايقوم بالواجب وزياده
بس اوعي لمًا تعمل كده تستني وجعك يتشال منك لانك بالطبيعي لسه مستني انك تلاقي تقدير وكرامه عند اللي حواليك
بس لما تعمل كده روح الله يديك احتمال وصبر وقوه
وحب وقلبك يبقي شبه المسيح
جرب الدوا ده