منتدى الفرح المسيحى - بصلي ليك ليوم مميز بوجود الرب في حياتك

https://upload.chjoy.com/uploads/168586517355131.jpg

كشباب دايما بنحتاج حاجة تميزنا نكون مختلفين عن كل اللي حوالينا
وكتير بنهتم بحاجات خارجيه زي التيشرت اللي لابسه
او شكلي او شكل شعري ودي حاجات حلوة ،
لكن تعالوا اقولكوا علي سر موسي عمله واختبرة في حياته
وفهم قد ايه ان امتيازة ان يكون الرب بيمشي معاه في رحلته
..فَقَالَ: «وَجْهِي يَسِيرُ فَأُرِيحُكَ». فَقَالَ لَهُ: «إِنْ لَمْ يَسِرْ وَجْهُكَ فَلاَ تُصْعِدْنَا مِنْ ههُنَا،" (خر33 :14-15)
اللي بيميزنا ويميز حياتنا ان الرب يكون موجود فيها
موجود في تفاصيلنا ويومنا
موجود في القرارات الصغيرة اللي باخدها موجود في مشوار تعليمي
موجود في مشواري مع اصحابي والناس اللي حواليا
حلو اوي ان زي ما بهتم انا هلبس ايه
وشكلي يكون عامل ازاي النهاردة
انك تهتم ان كمان ربنا يكون معاك في يومك وفي رحلتك
بصلي ليك ليوم مميز بوجود الرب في حياتك