منتدى الفرح المسيحى - شخصيات كتابية نتعلم منها {يهوشافاط الملك}

https://upload.chjoy.com/uploads/168578141949041.jpg

يهوشافاط الملك
معنى اسمه الرب قضى
يهوشافاط من أروع الشخصيات في العهد القديم اللي امتدح فيها الكتاب
بسبب قوة ايمانه وتمسكه بالرب في أصعب أوقات حياته
تعالوا نتعلم من يهوشافاط ونستمتع ببركة فضائله
1- يهوشافاط الروحي
كان دايما يهوشافاط يحكم الروح قبل الجسد دايما يسأل ربنا قبل كل خطوة يخطوها
قبل كل قرار ياخده
لدرجة انه وصل بيه انه بدأ يوعظ الشعب وكان قدوة للشعب في محبة ربنا وايمانه القوي
2- يهوشافاط واتخاذ القرار
كانت غالبا قراراته سليمة لأنها بمشورة الله
حتى لما قرر انه يرافق المسبحين والمرتلين قدام الشعب
كان بيظهر للشعب ازاي الله يخلص بدون سلاح أو سيف
3- يهوشافاط وسند الله ليه
برغم ضعفه بزواج ابنه من بنت آخاب لكن الله سنده وانقذه من الموت أكتر من مرة في الحرب
تعالوا نطبق اللي اتعلمناه
1- دايما خلي تفكيرك في الروحيات هتكون انسان ايجابي
فكر من منظور برئ وافتكر الاية اللي بتقول
(رسالة بولس الرسول الأولى إلى أهل كورنثوس 2: 13)
الَّتِي نَتَكَلَّمُ بِهَا أَيْضًا، لاَ بِأَقْوَال تُعَلِّمُهَا حِكْمَةٌ إِنْسَانِيَّةٌ، بَلْ بِمَا يُعَلِّمُهُ الرُّوحُ الْقُدُسُ
، قَارِنِينَ الرُّوحِيَّاتِ بِالرُّوحِيَّاتِ.
2- في اتخاذ قراراتك دايما تمسك بمشورة الحكماء والروحيين
لأنك لو اتخذت قراراتك بمنطق العالم هتتصدم وهتكون كثير التعثر والصدمات
3- دايما ادخر فضائل تنفعك في وقت ضعفك وتكون خزين محبة ليك
وزي ما بيقولوا القرش الابيض ينفع في اليوم الأسود
نقول الفضيلة والروحيات تنفعك في وقت فتورك وضعفك