منتدى الفرح المسيحى - ايوه بيسمع حتي صلاة المضطر 💖

https://upload.chjoy.com/uploads/168573882745721.jpg
بنتوه في السكة بين المتاح و اللي مش لاقيين غيره و بين الثمين اللي نستحقه فعلا..!!
بنتوه وسط أصوات بتقولنا نعافر و نكمل و احنا جايبن اخرنا
ومافيش فينا قوة تكمل و بين أصوات بتقولنا ماتتعبش نفسك مافيش فايدة..!!
بنتوه وسط جراحنا و آلامتنا إمبارح و بين خذلانا و إحباطنا النهارده..!
و بنكمل تايهيين نخبط علي كل باب شوية يمكن يكون هو الأمل ..
باب علاقات وباب شغل و باب طموح .. و باب و باب و باب ..
وفي الاخر بنلاقي نفسنا تايهين 😓
لكن وسط التوهة بنقرر نصرخ ..
نصرخ صرخة المضطر اللي خلاص مش لاقي أمل ..
صرخة رجاء..🥺
ياتري هيسمع .. ياتري هيقبل يكون أخر واحد نخبط علي بابه ؟!!
الْتَفَتَ إِلَى صَلاَةِ الْمُضْطَرِّ، وَلَمْ يَرْذُلْ دُعَاءَهُمْ. (المزامير ١٧:١٠٢ ) ♥️✨
ايوه بيسمع 😍 ايوه بيقبل ...🙏
ايوه مش بيرفض يفتح بابه حتي لو كنا سايبيه اخر باب 😊
ايوه بيسمع حتي صلاة المضطر 💖