منتدى الفرح المسيحى - انا كل يوم بتغير ماتثبتش حكمك عليا

https://upload.chjoy.com/uploads/168560668333861.jpg

يرقانة الفراشة بتتحول إلى فراشة ومن بعدها
اسمها بيكون "فراشة" مش "يرقانة" تخيل!
تعرف فلان؟؟
اعرفه..
عاشرته؟
اه..
برضو متعرفوش
انت اصلا نفسك متقدرش تقول انك تعرفها كويس!
متعرفش الإنسان مهما عاشرته..
أوقات بنكتشف الحقيقة بعد عِشرة عشرات السنين..
وفيه ناس بتموت وتموت حاجات كتيرة
ماعرفنهاش بالرغم من عِشرتنا ليهم..
انت دايما هتعرف اللي هو عاوز يعرفه ليك..
حتى تفسيرنا للمواقف وردود الأفعال بيختلف
مش بناءً على معرفتنا، لكن بناءً على إيماننا بالشخص،
حتى المواقف ممكن متبينش الانسان،
اللي في أوقات ردود أفعاله مختلفة.
وتغيير الإنسان والـ worldview الخاص بيه دا قصة لوحده
يخليك اوقات تحتار في الشخص..
سواء كان التغيير ايجابي او سلبي..
وبالمناسبة، ع الهامش،
التغيير متذبذب ومش طول الوقت أفضل أو اوحش.
فاعتقد سواء عاشرته او لا .. ممكن تكتشف انك متعرفهوش.
وعلشان كده رحلة المعرفة والحياة
أعقد بكتير من سنين عِشرة وبس..
بس للأسف ده مش بيحصل في مجتمعاتنا
لأنه مهما الإنسان بيتغير ويتطور والشخصية بتكبر وتتغير
في الأغلب يفضلوا فاكرين الصورة القديمة عن الشخص
وكأنها بقيت علامة علي جبهته طول الوقت!