منتدى الفرح المسيحى - زوادة اليوم: كون إيد الله بحياة غيرَك 2023/5/25

زوادة اليوم:
كون إيد الله بحياة غيرَك

https://upload.chjoy.com/uploads/168472735740381.jpg

بيخبرو إنّو كان في زلمي فقير عندو بنت زغيرة.

مرّة هالزلمي ما كفّاه معاشو حتّى يجيب أكل لعيلتو قام راح عالسّوق
و طلَب من الدّكان يديّنو و آخر الشهر بيردّلو اياهن
بس صاحب الدكان ما قِبِل...

سِمعو زلمي فقير متلو قام قدّملو كل المصاري اللّي معو.

استغرَب هالرّجال و سأَلو ليش عِمِل هيك، قلّو :
أنا بعرِف شعور الإنسان الفقير و بس كون قادِر خفّف
عن حدا هالشّعور ما رح إتأخّر!

الزوّادة اليوم بتقلّنا :

إنّو لمّا تختِبر شعور معيّن إذا كان حلو جرّب تحسّس غيرَك فيه
و إذا كان بشِع جرّب قد ما بتقدِر ما تخلّي غيرَك يحسّ فيه..
. كون إيد الله بحياة غيرَك و ما رح تشوف
إلّا هالإيد انمدِّت إلَك بلا ما تطلُب حتّى... الله معكن