https://upload.chjoy.com/uploads/168438125822431.jpg

زوادة اليوم:
شو برأيك الفرح الحقيقي؟

سألوا مرّة ستّ شو برأيك الفرح الحقيقي؟

قالتلن : الفرح الحقيقي هوّي العطاء بلا حدود و بدون أنانيّة.

قالولها: كيف يعني؟

جاوبتن: مثلًا متل الناس اللي بيزرعوا شجر و هنّي عارفين إنّن ولا يوم رح يقعدوا بفيّاتهن!

هالناس بيفرحوا لمّا يفكروا إنّو غيرن رح يقعد بهالفَي لو هنّي ما استفادوا مِنّو!

الزوّادة بتقلّي وبتقلّك :

الفرح الحقيقي ما منلاقيه جوّاتنا... منلاقيه بخدمة و محبّة غيرنا إن كان بطريقة مباشرة أو غير مباشرة...
الخير يغمر إيّامكن و العطاء يزهّر ببيوتكن و الفرح يملي حياتكن... والله معكن