منتدى الفرح المسيحى - مستني منك تمسك بأيدي تهديني لنورك

https://upload.chjoy.com/uploads/168418333332991.jpg

رجعلي بالي اللي كان مش مشغول غير بيك
ورجعلي تاني فرحتي بشوقي ليك
ورجعلي راحتي في السجود عند رجليك
مش شايف في بُعدي عنك غير اوجاع
مش شايف غير في اهمالي لصلاتي غير الضياع
راحت مني روحي وعايش في صراع
عاوز قلبي يبقي ماليان بأفكارك
عاوز قلبي يبقي نابض بسلامك
عاوز قلبي مافيهوش غير كلامك
وحشني جدا حياه الحب اللي بيني وبينك
وحشني جدا القاعده والضحكه اللي في عيونك
وحشني جدا سنده راسي بين احضانك
وراحتي اللي بلاقيها في كلامك
والوقت يعدي وتقولي انسي احزانك
القاعده معاك كلها طيبه وحنيه
حتي لو عدت كلامي الاقيك مهتم بيا
وتقولي صوتك بيوحشني وينطبع وجهك عليا
انا جوايا حنين لايام زمان
مستني انت ترجعهالي يا حنان
اشعل بروحك فيا واديني الامان
وقفني علي رجلي زي زمان
انا مسنود عليك وماليش غيرك
ببعد عنك ايوه لكن عايش في خيرك
مستني منك تمسك بأيدي تهديني لنورك