منتدى الفرح المسيحى - صدق إنه هو واقف في صفك مش ضدك أبدا

https://upload.chjoy.com/uploads/16837919467781.jpg

النهاردة كان يوم صعب وتقيل عليا إنتقلت إجباري
من شغلي اللي بقالي وقت فيه ومرتاحة في المكان ده
لمكان مش عارفة فيه حاجة خالص وكان جوايا غضب كبير أوي
وأسئلة أكتر
ليه يارب تسمح باللي حصل ده؟😔
ليه متدخلتش في المشهد؟ 🤔
ليه موقفتش النقل ده ؟😥

بس سمعت صوته بيقولي متقلقيش أنا اللي كنت معاكي
في المكان القديم هأكون معاكي في المكان الجديد
أطمني هرتب ليكى كل أمورك وأتأكدي إنه كله لخيرك
فحسيت بسلام رهيب💜
جوايا وأفتكرت كلمات الترنيمة دي 👇🤩

-كل باب انت فتحته .. ربي بشكرك عليه
واشكرك علي اللي قفلته .. ما انت عارف ايه اللي فيه

عشان كده عايزة أشجعك النهاردة يمكن في أبواب بتتقفل قدامك
وأبواب غريبة بتتفتح صدق وثق في ربنا للآخر صدق في طرقه
وصدق إنه بيعمل لخيرك حتي لو انت مش شايف
صدق إنه هو واقف في صفك مش ضدك أبدا 💜