منتدى الفرح المسيحى - مرايه حب ودعم

https://upload.chjoy.com/uploads/168243876468151.jpg

تخيل لو ربنا قارنك بالرسل والأنبياء..؟ 🧐

لو ربنا قالك ليه موصلتش لإيمان إبراهيم ..؟😳
لو ربنا قالك ازاي موصلتش لقداسة يوسف ..؟😦
لو ربنا قالك ازاي مش واثقة فيا زي ما وثقت أستير ولسه بتخافي ..؟🤷🏻‍♀️

تفتكر ده تحفيز إيجابي عشان تكون مؤمن ومُقدس أكتر ؟ 🙉
*المقارنة بغرض التحفيز هي خدعة ومراية مزيفة
بتخلينا نحس بالعجز مش بتطورنا أبدا ...!*

افتكر إن يسوع عمره ما قارن تلاميذه ببعضهم..
. بل بالعكس كان بيتكلم مع كل حد ازاي يشتغل علي نفسه وضعفاته بكل الحب..🤗
يسوع عايزنا نشوف الناس بعيونه .. يسوع مكنش بيقارن حد بحد
... يسوع عارف أن كل شخص هو منفرد ومتميز...🥰
يسوع مش بيقارنك بأي حد... لأنك نسخة أصلية جميلة ...
صدق وشوف نفسك زي ما يسوع خلقك..❤️

النهارده بشجعك تتوب عن كل مره قارنت فيها نفسك ،
أولادك ، زوجك / زوجتك ، أخواتك... بغرض أنك تحفزهم.
.. لأن ده بيحسسهم بعدم القبول...

خليك مراية حب ودعم ...! 😍