منتدى الفرح المسيحى - الأمل الوحيد

https://upload.chjoy.com/uploads/168148344005341.jpg

كل ما بأشوف الصورة دي بأقول حقيقي الصليب فخر ؟!
هنا على الصليب فيه أمل لكل زاني ، سارق ، قاتل ،
مدمن ، مُرتشي ، شتام ، غشاش ... و غيرهم

يسوع صالح فجور الناس و خطاياهم على الصليب ..
•يسوع وقف عنك محامي ومدافع ..
متحد بألمك و ضعف جسدك و شهواتك ..
•يسوع وقف بيتكلم عنك هو شفيعك ..
اللي عمره ما يأس منك و من فسادك و تكرار سقوطك
في نفس الخطايا
و الدواير اللي ادمنتها..
•يسوع أقوى من أي صوت بيقولك مفيش أمل فيك
... يسوع أقوى من صوت نفسك وحيرتك كل يوم..
•يسوع غفر وبيغفر خطاياك و حتى نواياك علي حساب دمه و صليبه..

الصليب هو الأمل الوحيد إللي بيضمن لينا وجود علاقة
بين الله القدوس و بيننا إحنا الخطاة ..
في يأسك
في خوفك
في فشل تغييرك لنفسك ..
حط عليه خطيتك دلوقتي و قول له شيلها عني يا يسوع
... إديني النصرة على الخطية معاك على الصليب ...
إديني أقوم معاك و أقول
( لا تَشْمَتِي بِي يَا عَدُوَّتِي، إِذَا سَقَطْتُ أَقُومُ )