منتدى الفرح المسيحى - علاج الشعور بالنقص

https://upload.chjoy.com/uploads/16808634032381.jpg

الشعور بالنقص بيبقى زي نقطة مياه على صخرة …. بتحفر فيها ..
علشان كده علاجه محتاج وقت وعمق مع ربنا..
دي شوية نقط من خبرات ناس عاشتها ممكن تساعدك..
النقط دي ساعدتني بشكل شخصي

١- اعترفت أن عندي إحساس عميق أني أقل من غيري ..
٢- أصلي واطلب ربنا يساعدني ويشفي أعماقي
٣- أوقف مقارنات وأقول لنفسي ملكش دعوه بحد
كل حد عنده حتة فريدة وظروف مختلفة عني
٤- أكتب وأعبر عن مشاعري بالكتابة
٥- أطلب متخصص يساعدني
٦- أشوف نفسي من خلال كلام الله عني لا أكتر ولا أقل.
٧- أفهم أني إنسان محدود وبتعلم وأقبل عجزي وضعفي.

٨- أقرأ الكتاب المقدس عشان أفهم أنا مين في نظرة الله
٩- أشوف ايجابياتي وأعرف سلبياتي واشتغل عليها
١٠ - أشوف خبرات الماضي الإيجابية وأشوف إيد الله وهي معايا ومش هتسيبني..