منتدى الفرح المسيحى - ساعدني اني اوصل للنهاية السعيدة يارب

https://upload.chjoy.com/uploads/168020173828891.jpg

انا مطمن يارب بس بيني وبينك انا مطمن
عشان انا حاسس بيك دلوقتي
نفسي لما اخرج افضل مطمن
نفسي ابقي وانا في اوضتي مطمن
وانا في الشارع مطمن
وانا مع اللي بيجرحوني مطمن
وانا شايف اللي بيأذوني بيضحكوا مطمن
عايز افضل مطمن وانا في حضرتك طول الوقت
بصلي اني افضل مطمن يارب، افضل مطمن رغم كل حاجة
رغم اني هاطلع من هنا هلاقي الواقع وهلاقي التوقعات السيئة
حط في قلبي كل كلمة قولتها
حط في قلبي انك انت عكس التوقع
ولو جه النهاية يارب انك تاخد بإيدي وتقولي تعالي السما انا هبقي موافق وتبقي دي احلي نهاية لقصة كلها مؤلمة بس النهاية تكون سعيدة
ساعدني اني اوصل للنهاية السعيدة يارب