منتدى الفرح المسيحى - انا رايح هناك هيجي في يوم و اروح هناك و ينتهي كل دة

https://upload.chjoy.com/uploads/168008287067411.jpg

انا:عارف يا رب نفسي اضحك
ربنا:عارف
انا:عارف يا رب نفسي ارتاح
ربنا:عارف
انا: عارف يا رب نفسي ماشلش هم
ربنا:عارف
انا:طب هتعمل اية بعد كل دة؟
ربنا:انا عكس التوقعات ، خليك بس معايا...
طب هو انا لو ماديتكش حاجة و قولتلك
(اليوم تكون معي في الفردوس)؟
انا:ياريت،انا مش عايز حاجة
ربنا:بجد؟
انا: صدقني مش عايز حاجة ، بس هتاخدني السما؟
ربنا:هاخدك
انا:لية؟
ربنا:عشان انت تعبت و انا بقولك كدة
("تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ.")
انا إلاه عكس التوقعات ،انا مش بتاع هنا ،
مملكتي ليست من هذا العالم
انا:و انا كمان بقولك يارب انا مش عايز ابقى من العالم..
حط فيا قلب السما، حط فيا اشتياق للسما.
.و يوم يا رب ما احتاج و يوم ما احس اني لوحدي
و ليس لي إنسان و يوم ما اتوقع تحرك الماء و مالقاش حد
.. ابص للسما و أقول دة مكاني
، انا رايح هناك هيجي في يوم و اروح هناك و ينتهي كل دة ...❤️
«"لكِنِ اطْلُبُوا أَوَّلًا مَلَكُوتَ اللهِ وَبِرَّه".» (مت 6: 33).»