منتدى الفرح المسيحى - الغلاوة" محدِّش بياخدها بالعافية

https://upload.chjoy.com/uploads/167969228853561.jpg

"الغلاوة" محدِّش بياخدها بالعافية
محدِّش بيشتريها .. !
ولا تقدر تفرضها علي حد ..
ولا ينفع تشحتها من أي حد ..
انا عارف ان ممكن يجي عليك وقت
وتبقي محتاج الطبطبة والحنيّة !
عارف انه غصب عنك ..
لكن سيبها تيجي من اللي قدامك من تلقاء نفسه
واللي عايزك تبقي في حياته صديق أو حبيب
هيبان في ملامحه، وهيبان في تصرفاته معاك
هيبان في سؤاله عنك !
متطلبش من حد يبقى معاك بالعافية !
متطلبش من حد يبقي موجود
متعاتبش حد إنه متطمنش عليك
متحاولش مع حد يبقى قريب وهو مش حابب !
متفرضش نفسك على أي حد مهما كان غالي عليك!
كل واحد عارف هو بيعمل إيه !
فـ ماتوجعش دماغك في عتاب وترهق نفسك ع الفاضي
وتحاول تفهم تصرفات غير منطقية وغير مقبولة من اللي قدامك !
اللي بيحبك هيفضل يحبك ولو كنت غالي هتبقي غالي !
انت اغلى من إنك تشحت إهتمام أو تاخد مشاعر بالعافية
انت حلو وجميل للّي حلو وجميل زيك ..