منتدى الفرح المسيحى - الصوم ده عظمه بجد

https://upload.chjoy.com/uploads/167774742359751.jpg

الصوم الكبير ده في حاجه غير عاديه بجد
مهما كان في اصوام تاني في الكنيسه
بس الصوم ده كل حاجه فيه حلوه وتفرح
قداسات المتأخره دي الواحد بيبقي فرحان زي العيال الصغيره
وهو بيحضرها

صوم عجيب بجد
تخش الكنيسه كده تحس الكنيسه كلها في حاله
من حالات الوقار والتوبه والنسك والحزن بس الحزن
اللي بيقتدانا للتوبه
تشم ريحه البخور.تسمع صوت الالحان اللي ماليانه عزوبه وتوبه،،
حتي قطمارس الصوم تحس انه معمول بأبداع كده
يحرك روحك يخلي روحك تتطنطط من الفرح
عارفين حتي طعم القربان مختلف
تقف تصلي القداس تحس ان قلبك عمال يدق اكلمك فرحان
بس مش عارف الفرحه دي جايه منين
تاخد الجسد والدم احس ان في حد خدك بالحضن كده
صوم عجيب فعلا
كل لحظه في الصوم ده جواها فرحه غير عاديه
حتي تسبحه الصوم ده تفرح اووووي تخلي الحجر ينطق
لا الصوم ده عظمه بجد
كنيستنا دي ماليانه اووووي بس احنا عاوزين نخش لعمقها بس