منتدى الفرح المسيحى - هو ملجأنا وحمايتنا 💜

https://upload.chjoy.com/uploads/167739974692941.jpg

كنت بأفكر في كلمات (ملجأ وحصن)
وأن الحاجات دي كانوا بيستخدموها في الحرب علشان
يهربوا ويستخبوا فيها
وبتكون عالية ومُحصنة جداً
وكان من الصعب إختراقها
واللي بيكون داخلها بيشعر بالأمان والراحة والطمأنينة 😌
و الرب قال عن نفسه إنه يكون لينا ملجأ
من كل أمور إبليس بيرميها علينا 😇
يعني لو شاعر إنك
خايف 😱
مظلوم ☹️
تعبان 🥺
وحيد 😏
مطحون من الظروف والإحتياجات😖
ردد الآية دي
وَيَكُونُ الرَّبُّ مَلْجَأً لِلْمُنْسَحِقِ. مَلْجَأً فِي أَزْمِنَةِ الضِّيقِ. (المزامير ٩: ٩)
ربنا جاي يشجع ويطمن كل حد فينا مهما كان اللي جواك
تعالي إليه وهتلاقيه الملجأ
هتلاقي عنده الستر والدفا والطمأنينة والسلام
خليه يكون هو ملجأك اللي تجري عليه لما تتعرض
لأي سهم من إبليس🏹
لأنه هو ملجأنا وحمايتنا 💜