منتدى الفرح المسيحى - طيعه و سيبله اللي فإيديك

https://upload.chjoy.com/uploads/167612199754591.jpg

ساعات كتير بنمر بظروف صعبه
ولما نحسبها بعقلنا نلاقي إن البسيط اللي في إيدينا مش هايكفي

ده اللي حصل في أحداث كتير في الكتاب المقدس من ضمنها في
(ملوك الأول الأصحاح ال 17 : 10 - 14 )
قصة سيده أرمله مكنش معاها غير شويه دقيق
وكوبايه زيت قالت خلاص نعيش بيهم أنا وأبني ونموت
لكن الله عمل من الشويه دول دقيق وزيت مش بيخلص

الغريب والعجيب إن لما بندعي الله الحي
ونقرر نسيب البسيط بين إيديه بنلاقيه عمل
من الأمكانيات البسيطه معجزه
والأمور البسيطه واللي ميكفيش بمنظورنا البشري نلاقي بيكفي وبيفض ويعرف ازاي الله يسدد كل أحتياج

وده يقدر يعمله مع أي حاجه في حياتنا أو أمكانيتنا الشخصيه
بس صدق فيه
طيعه و سيبله اللي فإيديك