منتدى الفرح المسيحى - اديني الهدوء والطمأنينه الداخليه اللي منك

https://upload.chjoy.com/uploads/167611705380431.jpg

أوقات كتير يالله في وسط الحياه وصراعتها
صعب اوي أكون هادي ومطمن
ومبقتش عارف حتي أشارك الناس عشان تعبت من النصايح
والكلام اللي بيحسسني اني غريب عنهم
وانا عارف كويس نصايحهم ومش عارف أعملها

جوايا افكار وشك وتعب وحيره
انا ضعيف وتايهه
أنا مش كامل

بس أنا بجيلك ياالله بالأيه اللي مكتوبه في الكتاب المقدس اللي بتقول
«بِالرُّجُوعِ وَالسُّكُونِ تَخْلُصُونَ. بِالْهُدُوءِ وَالطُّمَأْنِينَةِ تَكُونُ قُوَّتُكُمْ
» سفر إشعياء (30 :15)

أنا برجعلك خلصني من كل اللي جوايا
اديني الهدوء والطمأنينه الداخليه اللي منك
اللي تخليني قوي فأقدر أكمل
أمين