منتدى الفرح المسيحى - مهما كان حملك ارميه عليه 🙇‍♂️

https://upload.chjoy.com/uploads/167611657303021.jpg

يا سلام لو إنت /إنتِ شايل شيلة تقيلة
وحد عرض عليك أنه يشيلها معاك أو يشيلها عنك
يااااااااااه 💪🏻💪🏻
بيكون شئ ممتع جداً ومريح
إيه رأيك في الآية اللي شخص الرب بنفسه فيها
بيقدم فيها لينا أنه يحب يشيل معانا الشيلة
مهما كان حجمها او شكلها وتعبها 🫣
تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ،
وَأَنَا أُرِيحُكُمْ. (متى ١١: ٢٨)

وأي نوع من الراحة اللي عايز تدهالي يا رب ؟
راحه من الخطية 😔
راحه الضمير 🙂
راحه أبدية 😌
راحه من الأثقال والمتاعب
حتى دي كمان 😯
طبعاً
يعني لو عندي مشاكل في الشغل أو إحتياجات مادية أو حيران
في أمرٍ ما أو مش عارف آخد قرار في حاجة ينفع يشيل عني الشيلة ويشاركني في قراراتي كمان 🫶
بما إن الرب بنفسه اللي مقدم لينا الدعوة دي
فمش هييجي ولا مرة يقولك مش قادر أكمل
أو إنه تعب حاشا ليك يا رب
اشجعك مهما كان حملك ارميه عليه 🙇‍♂️
واتمتع براحة حقيقية وكامله😇