منتدى الفرح المسيحى - بركة الرزق الخفي

https://upload.chjoy.com/uploads/167477227061671.jpg

لما الدنيا تغلي عليك ، فيه طريقة واحدة بس معروفة لزيادة دخلك
و نتيجتها محدودة مع جهد رهيب : زيادة عملك ..
لكن فيه طريقة سماوية لزيادة الرزق اسمها "بركة الرزق الخفى" ..
لما تبقى امين فى عملك ، و ربنا يحبب فيك الناس و يزود ثقتهم ،
و يفتح لك من خلال كده ابواب رزق غير متوقعة ده رزق مستخبي ..
و لما تبقى راضي بالقليل اللي عندك ده رزق ..
و لما تستغني عن حاجات كان نفسك فيها و تبقى برضه راضى دى بركة الرزق الخفى ..
لما ربنا يكفيك شر المرض و يمنحك الصحة ،
و لو تعبت يرشدك لطبيب امين و لعلاج بسيط و شافى ده رزق خفى ..
لما لقمة قليلة تشبعك ، و هدمة بسيطة تفضل معاك سنين
و تسترك دى اسمها برضه بركة الرزق السماوي ..
لما ربنا يظلل على اسرتك و يكفيك عبء المشاكل و مصاريف الخناقات ،
و يكلل أولادك بالنجاح و يكفيك مصاريف الدروس و السنين الضائعة فى الفشل
دي قمة الرزق المستخبي ..
بركة الرزق ده اهم بكتير قوى من كتر الفلوس !!