منتدى الفرح المسيحى

ليه بيتأخر ؟؟

https://upload.chjoy.com/uploads/167476620080041.jpg

ليه دايما المشكلة بتتأخر ؟؟
ليه بيستنى لآخر الليل مش فى أوله؟؟

أحيانا يتأخر ساعات زي مع فى عاصفة البحر مع التلاميذ

و ايام زي في حالة مرض لعازر ( و مات )

و شهور زي فى تأديب شعبه..

و يمكن سنين زي فى حالة يوسف و ابراهيم
و يعقوب و يوسف و موسي و داود و بولس ..

علشان يقولك حاجات كتير :

يقولك انه بيكتب قصة حياتك اللي تناسب طبعك ، و توبتك و عندك ..

و يقولك "جرب طريقتك" لغاية ما تقتنع ان طريقته هى الأصلح ليك ..

و يقولك أنك تستناه هو مش تستني عطاياه
، لحسن تاخد العطية و تنسي العاطي ..

و كمان علشان يبني إيمانك و يعلمك تطرد الخوف ،
و تفرح بيه قبل المشكلة ما تتحل مش بعدها
، فيبقى اطمئنانك بيه و بوجوده جنبك من قبل أي حل ..

التأخير الإلهي بُنا و شِفا و دوا و سما و هنا ..