منتدى الفرح المسيحى - احتفلى بالفرصه التانيه

https://upload.chjoy.com/uploads/167441773847331.jpg

احتفلى بالفرصه التانيه
اللى بيها اخدتى كل المكاسب وهو اتكفل بكل خسايرها .
.والمها علشان بس تكونى انتى مكسبه الوحيد
احتفلى بإله حبك محبة لغايه النهارده من عظمتها وقوتها بتتحارب وتترفض
احتفلى بالتنازل اللى علاكى...والتجرد اللى كللك..والاخلاء اللى غناكى
احتفلى بإله انتى الاختيار الاول ليه
احتفلى باللى افتقرلك بكامل ارادته علشان يقربلك المسافه
ويكسر حواجز الموت اللى اتكتب لمصيرك
احتفلى باللى دفع تكاليف الرجوع والاسترداد بالكامل من غير معايره او اذلال ..
احتفلى باللى بميلاده اتفتحلنا سكة جديده نرجع بيها نتصالح وناديه "بابا"
كل سنه واحنا عايشين متنعمين فى خير الفرصه التانيه وتكلفتها ❤️