منتدى الفرح المسيحى - اتعامل ازاي مع شخص مكتئب

اتعامل ازاي مع شخص مكتئب

https://upload.chjoy.com/uploads/167399036456941.jpg

ممكن_تقوله :
- انت مش عبء عليا بالعكس انا بفرح دايما لما بتكلمني
- لو انت حاليا مش عاوز تتكلم مافيش مشكله خالص هكلمك بعدين
- انا موجود جنبك في اي وقت و نقدر نحل المشكله دي مع بعض مهما كان الموضوع صعب
- انت شخص مميز بالنسبه ليا و حالتك دي مش هتغير حاجه في علاقتنا
- لو مش حابب تخرج ممكن اجيلك نقعد مع بعض لو يناسبك
- ممكن تقولي انت حاسس بايه؟
- خد وقتك اللي محتاجه وانا هكلمك بس اتطمن عليك
- انا بحبك في كل حالاتك
- لو عايز تعيط عادي خرج مشاعرك
- انا ممكن اجي معاك لدكتور او اخصائي نفسي

+ طبطب عليه و احضنه لو سمح ليك... هاتله هديه بسيطه بيحبها و معاها جواب صغير بخط ايدك فيه كلمات لطيفه بتمدح في شخصيته و بتفكره بمواقف حلوه عدت عليكم و ماتنساش الشيكولاته🍫

بلاش_تقوله :
- الموضوع بسيط مش محتاج كل ده
- هو انت مش عايز تكلمني ليه هو انا ضايقتك في حاجه؟!!!
- طبعا اللي عملته ده غلط كبيييبر
- انا مش هسيبك غير لما اعرف كل حاجه لازم تتكلم
- الموضوع طوّل اوي انت بقالك شهرين مكتئب
مش شايف انه كفايه كده؟!
- ربنا اكيد عايز يوصلك رساله
- انا مقدرش اشوفك كده لازم تكون كويس عشان انا ابقي كويس
- عادي انا حصلي نفس المشكله دي و قدرت احلها بسهوله