منتدى الفرح المسيحى - *صبحيّة مع الرّب* 2023/1/15

*صبحيّة مع الرّب*

https://upload.chjoy.com/uploads/167376157276111.jpg

سبحانك يا ربّ، إله السما والأرض، لمّن بتشرق شمسك عالكون
، الخليقة كلها بتسجدلك وبتفرح بنورك وبتشكرك وبتمجّد إسمك.

كيف ما بدها تعظمك الخليقة يا ربّ
وإنت اللي بكلمة منّك تكوّنت وبالكلمة ذاتا صار الخلاص للعالم.

كيف ما بدها تعظمك الخليقة يا ربّ وإنت اللي حبّيتا وعطيتا ذاتك وإفتديتا عالصليب.

كيف ما بدها تعظمك الخليقة يا ربّ وإنت اللي نجّيتا من الموت وعطيتا السلام والفرح.

نعم يا ربّ، كل التسبيح والمجد والإكرام ما بيليق إلّا فيك بكل الأوقات، ومن دونك حياتنا كلها فراغ، وببعدنا عنّك ما في حياة، لأنّك إنت النبع اللي بيشرب منّو حتى الأموات بيحيو للأبد.