منتدى الفرح المسيحى - بحبك يا هبلة

هي: عيانه و مزعلاه و مبتخدش الدوا

هو: متعصب و ساكت

هما: بطلو يتكلمو

تلفونها : رن برساله بعد الفجر

الرساله منه : بت بطلي تقفلي و تفتحي نور

اوضتك خيلتيني

هي : نعم.؟
انا حره انت مالك

و بعدين انا فييييييييين و انت فين يا موكوس

هو: انا تحت و انتي فوق

هي: ها ها ها خفه يا سم

هو : اطلعي يا بت عشان تخدي الدوا

هي: بطل رخامه و قوم نام

هو: طب بصي انتي قفلتي نورك اوضتك
دلوقتي اهو

طبعا قامت جري بصت لاقته واقف تحت بيتها

هي :يا مجنون الساعه 5 الصبح

هو: ششششش نزلي السبت من سكااااااات

هتصحي الناس الغلابه هما ذنبهم ايه اني ارتبط

بوحده عبيطه اصلا

نزلته و هي مش مصدقه من الفرحه ال بيحصل

و طبعا مصدره الوش الخشب

هي: لعلمك لعلمك انا نزلته بس عشان

الوقت بدري و مينفعش

اصلان يعني اسيبك تقف كده

مردش و سابها و مشي

و طلعت السبت : لاقت الدوا و شوكولاته من ال هي فخمه دى

و جيلي كولا بالفرواله و ومصاصه بجنيه وربع

و بعتلها رساله متزعليش مع انك انتي اصلا ال

مزعلاني بس تعبك راحة

و اني عاوز اخد زومارة رقبتك ازمر بيها

حاجه تانيه

بحبك يا هبلة

ردت بمنتهي التناكه

الشوكولاته سايحه يا عم انت