منتدى الفرح المسيحى - ليك إله جاي برسالة أمل و رجاء

https://upload.chjoy.com/uploads/167299199594841.jpg

إحباط من كل حتة
أصوات كتير بتقول خلاص الدنيا صعبة
لكن
وسط كل ده تلاقي فيه رسالة بتتقال بكل بساطة في ميلاد يسوع
لسه فيه أمل لسه فيه رجاء
دي الرسالة اللي وصلت للرعاة إنه لسه فيه رجاء في مخلص
وصلت لليهود لسه فيه أمل بملك عظيم

يمكن الوقت ده الدنيا شايفينها صعبة
لكن
ليك إله جاي برسالة أمل و رجاء و يقولك أنا جيت علشانك
أنا جيت علشان بأحبك
أنا جيت أديك نظرة جديدة سماوية
أنا جيت أقولك متخافش
أنا جيت علشان تكون ليك حياة أفضل
أنا الله المتحكم في كل شئ و القادر على كل شيء
بأوعدك و أنا قد وعدي و كلامي
أطلبني هتلاقيني معاك
محتاجني هتلاقيني جنبك
قلقان هتلاقي سلامي
هأكفيك و مش هاخليك في عوز
وَتَطْمَئِنُّ لأَنَّهُ يُوجَدُ رَجَاءٌ (أيوب ١١: ١٨)