منتدى الفرح المسيحى - صبحية مع الرب 2023/1/4

*صبحية مع الرب*🏰🔔🙏💟🙏🌹🙏💟🙏🌹

https://upload.chjoy.com/uploads/167278442934571.jpg

صباح القلب الطيّب اللي بيفيض حِكَم وافعال جيدة،
هيدا هوي صباح كل انسان مسيحي مآمن ومقتنع
وملتزم بإيمانو فيك ياربّ.
بعد ما حذرتني من خطر التجديف عالروح القدس
، بشوفك اليوم يا ربّ عم بتأكّدلي انو الكلمة كتير مهمّة
وهيي الوسيلة الافضل للعلاقات بين البشر.
هيي سيف ذو حدّين: قادرة عالخير متل منّا قادرة عالشرّ.
هيي وسيلة تا عبّر فيا رفضي الك أو قبولي فيك.
وفيني حبّ فيا وفيني إكره.
ربّي يسوع، انت رح بتحاسبني عا كل كلمة بحكيها.
ومتل كل الاعمال اللي بقوم فيها تا اتقرّب منّك يا ربّ،
كمان كلمتي اللي بحكيها بدّي ياها تقرّبني منّك ومش العكس
، وبتكشفلي هويتي متل ما بتكشف الثمرة نوعيّة الشجرة.
هدفي يا رب اني كون شجرة مقدّسة
ويكون كلامي كلام ابن لإلك.