منتدى الفرح المسيحى - أنا عايزة أرجع لـ حُضنك رجعني

https://upload.chjoy.com/uploads/167234604681291.jpg

أنا بعدي بـ مشاعر تقيلة قوي ع قلبي يقاومها، مشاعر مخلياني بعيدة كُل البُعد
مشاعر فتور، بحس إن أداء الصلاة تقيل ع قلبي، الخمس دقايق دول أصعب خمس دقايق.

مشاعر ضعف، مش قادرة أقاوم الفتور، و اجي ع نفسي و أتحداه و أغصب نفسي!

كسل، أعتقد إني بكسل أخد الخطوة و أبدء رحلة العودة
، و أخد خطوات فعلية فـ إني أرجع للعشرة و للصداقة معاك، حتي لو بالغصب عن مشاعري.

و لكن أنا مش عايزاك تزعل مني، لسه جوايا جُزء صاحي مش ناسيك،
جُزء بيشكُر طول الوقت، مُقدر للنعمة، شايفة و عارفة و مقدرة فـ إني فـ زحام من النِعم
، و الحاجة الوحيدة اللي لسه مابطلتهاش بـ ضعفي و كسلي، هي إني بشكرك طول الوقت.

عارفة إنه مش كفاية أبدًا، لكن مش عارفة أخد الخطوة و مش قادرة أغصب ع نفسي!
و مش راضية و لا عاجبني حالي!

أعتقد الحل إنك تيجي تزورني!
رجعني ليك، أرجع لك يارب.
هاتني ليك من الأول، بس أرجوك بلاش ترجعني بتجربة صعبة زي ما كان بيحصل زمان،
كُنت برجع راكعة بعيط بعد كُل موقف صعب،
بلاش المره دي طريقة رجوعي تكون عن طريق التجارب المؤلمة
عارفة إن المفروض مش من حقي أحدد
بس صدقني بقيت أخاف و قلبي مش هيتحمل.

استأذنك أنا عايزة أرجع
أنا تحت أقدامك اهو
رجعني بـ طريقة اتحملها
أنا عايزة أرجع لـ حُضنك، رجعني!!