منتدى الفرح المسيحى

https://upload.chjoy.com/uploads/167174639205281.jpg

ماشية بادور عليهم في أيامي ☺️
بادور عالشخصيات الأمينة في شغلها..
الشخصيات اللي بتقدّر اللي قدامها وتكرمه..
الشخصيات اللي بتميز تقول إيه وتسكت عن إيه..
الشخصيات الحكيمة اللي بتحسب خطواتها وطريقها..
الشخصيات اللي مهما طال بيهم المشوار بيكملوا الطريق عشان يوصلوا للهدف ..

بادور على قلب المجوس😍...
علماء الفلك اللي مركزين في شغلهم وحاسبين كل خطوة بدقة...
الاشخاص اللي حكمتهم وعلمهم ماكنوش عائق قدام إيمانهم في وسط ظروف مش منطقية خالص...
إيمان خلاهم يصدقوا إن الملك -العظيم اللي مستنينه حسب نبوة دانيال- مولود في مزود فقير وبسيط..
الأشخاص اللي مافكروش في تعب الطريق لكن ركزوا يقربوا للملك وعينيهم دايمًا على النجم⭐

الأشخاص اللي لما قرروا يقدموا هدية ،
قدموا هدايا تكرم الشخص اللي قدامهم، يقول الكتاب "فتحوا كنوزهم" بطريقة كلها كرم ومحبة..
الأشخاص المتواضعين اللي سجدوا وانحنوا قدام طفل بسيط في مكان أبسط..
الأشخاص اللي لما هيرودس قالهم عرفوني مكان الملك،
مارجعوش🤭 لأن كان عندهم تمييز يعملوا إيه ومايعملوش إيه، فكروا وعملوا الخير والصلاح الحقيقي..

ولأني باحاول أتعلم من جمال المجوس🤍
شفت إن شخصيات الميلاد فينا ممكن تتعاد💜
وبما إني قابلت ناس عايشة بقلب المجوس🤍
عايزة أقولهم شكرا مجوس أيامنا💜

عيد_ميلاد_ملكنا🌲