منتدى الفرح المسيحى - هاستنى تعمل معايا

https://upload.chjoy.com/uploads/167172326398771.jpg

أنا مش مستني بركات كبيرة..

هاستنى بس تعمل معايا زي ماعملت مع بطرس..
تمد إيديك وترفعني فوق واقع هيغرقني في مشاكله ومصايبه

هاستنى بس تعمل معايا زي ماعملت مع توما..
تعاتبني بحنية وتقدر إني مسكين و إن قلة إيماني غصبن عني..

هاستنى بس تعمل معايا زي ماعملت مع زكا.
. تحب تزورني وتدخل بيتي حتى وأنا في نظرهم ماستحقش ومكروه

هاستنى بس تحسسني بوجودك.. تأكدلي إني مش وحيد..
تفهّمني قصدك لما تشد عليَّ.. وتطمني لما الموج يزيد ويطيح بيَّ..
#هاستنى_تعمل_معايا