منتدى الفرح المسيحى - اشفي كل تشوهات فيا

- اشفي كل تشوهات فيا!!

https://upload.chjoy.com/uploads/167119057088121.jpg

- الكلمة ديه بتتردد جوايا من الصبح ومش فاهم ليه
وفضلت اصلي ان انا افهم معناها، ولقيت الروح سالني سؤال مهم انت عارف كل التشوهات اللي فيك! سكت، سالني سؤال تاني
، هو انت مديني كل المساحه علشان اقدر اعالج التشوهات ديه! سكت برضو.

- واكتشفت ان احنا فينا تشوهات بندريها ومش بنحب نظهرها وهنا المشكلة التشوهات ديه مع الوقت بقت بتستنذف قوتنا لحد منموت
، كان جوايا اوي شمشون بكل قوته لما ظهرت في حياته دليله لحد مستنزفت كل قوته، ده بظبط اللي التشوهات بتعمله فينا.

- الله مش عايزنا ندخل سنة جديده بتشوهات مهما كانت ايه هي
، ممكن تبقا تشوهات من صحابنا من اهلنا من مكان شغلنا من خدمتنا اياً كانت هي ايه، صلي النهارده وقوله انا بديك كل المساحه انك تشفي التشوهات اللي فيا اللي انا عارفه واللي مش عارفها،
صلي وقوله مش عايز ابداء سنة جديده وانا فيا تشوهات قديمه.
#أبا_الآب 🔥👑