منتدى الفرح المسيحى

https://upload.chjoy.com/uploads/167044718069451.jpg

زمان في العهد القديم لما رحبعام ابن سليمان بقى الملك
والشعب طلب منه أنه يعاملهم أفضل من أبوه سليمان راح سمع مشورة الشيوخ أنه يعاملهم كويس لكن راح وسمع مشورة أصحابه اللي كانت عكس خالص مشورة الشيوخ أنه يبقى أصعب من أبوه وللأسف سمع كلامهم.😞

يمكن أنت تكون اضايقت من رحبعام وأنه ازاى مسمعش الكلام الصح
لكن عايز أقولك أننا كتير بنعمل كده بناخد مشورة من ناس غلط 😑
عشان كده راجع الدواير بتاعتك إيه أخبارها 🤔
يا ترى قعداتك والناس القريبة منك شكلها إيه؟🤔
هل أصحابك شبهك وبيساعدوك تبقى أفضل ولا لا؟🤔

فى آية في مزمور ١ بتقول طُوبَى لِلرَّجُلِ ٱلَّذِي لَمْ يَسْلُكْ فِي مَشُورَةِ ٱلْأَشْرَارِ ، وَفِي طَرِيقِ ٱلْخُطَاةِ لَمْ يَقِفْ، وَفِي مَجْلِسِ ٱلْمُسْتَهْزِئِينَ لَمْ يَجْلِسْ 💜

يعني يا بختك لو مش بتسمع لأي نصيحة غلط وعارف تاخد رأي مين بالظبط. 🤩
يا بختك لو سلوكك ودايرتك القريبة في ناس بتخليك أفضل مش بترجعك لورا.
يا بختك لو قعداتك فعلا مليان بكلام يبني ويفرق في حياة ناس
بشجعك النهارده تعالى افحص دوايرك القريبة ومحتوى كلامكم إيه.