منتدى الفرح المسيحى - محتاجة بس تقوله ارحمني

https://upload.chjoy.com/uploads/166846659955021.jpg

في حروب كدة ماينفعش يدخل معاك فيها غير الله نفسه،
لا ناس ولا صحاب ولا افكار ولا حتى نفسك..
في حروب ماينفع تدخل فيها بطولك كدة ..
تتطحن من اعداء كتير مش شايفهم
ولو حتى شوفتهم ماتقدرش تجاريهم لا في قوتهم
ولا في نفسهم الطويل..
حروبك الشديدة دي مش محتاجة غير صلاة واحدة
تحتمي فيها بربنا
وتتحاوط بجناحه..
محتاجة بس تقوله.. "ارحمني" ..