منتدى الفرح المسيحى - نظر اليا الاله من ضمن بنات كتير واخترني

https://upload.chjoy.com/uploads/166846513640791.jpg
فَقَالَتْ مَرْيَمُ:«تُعَظِّمُ نَفْسِي الرَّبَّ،
وَتَبْتَهِجُ رُوحِي بِاللهِ مُخَلِّصِي، لأَنَّهُ نَظَرَ إِلَى اتِّضَاعِ أَمَتِهِ.
فَهُوَذَا مُنْذُ الآنَ جَمِيعُ الأَجْيَالِ تُطَوِّبُنِي" (لوقا ١: ٤٦-٤٨)
نظر اليا الاله من ضمن بنات كتير واخترني اكون بحمل ملك الملوك يسوع المسيح في احشائي بالروح القدس...
اللي شريعتنا اتكلمت عنه ان هو مخلص العالم....
لما جه الملاك يتكلم معايا ملقتش غير اني اسجد ليه واقبل عطيته ...
مصدقتش نفسي من فرحتي بالخبر اللي سمعته..
لكني كنت كمان خايفة اوي لاننا في مجتمع شرقي وانا كنت لسه مخطوبة..
المهم اني روحت عند قريبتي اليصابات وقت الحمل كله...
ولما وقت الولادة قرب مكانش ليه مكان يسوع..
اتولد في احقر الاماكن وهو ملك الملوك...
اتقدم ليه هدايا ذهب ولبان و مر..
قدام عيني كان بيكبر في الحكمة و القامة والنعمة عند الله والناس ...
اتدبرت مكايد عشان يتقتل لكن روح الرب كان بينبهنا ...
لحد اليوم اللي جه فيه صلب المسيح...
جاز في نفسي سيف وانا بشوفه بيتعذب و بيتجلد من غير سبب ....
كنت منتظره بصمت خلاص اسرائيل ...
بعد الموت و في اليوم الثالث واحنا بنروح نحط الحنوط علي جسده الكريم....
ملقناش جسد يسوع...جرينا علي التلاميذ وبطرس...
لكن هو ظهر في الوسط و قال" سلام لكم" قام يسوع" ✨❤