منتدى الفرح المسيحى - انا فعلًا ضعيف زي شمشون؟!!

https://upload.chjoy.com/uploads/166811492041471.jpg

انا فعلًا ضعيف زي شمشون؟!!

أوقات كتير بتعدي علينا بنوعد نفسنا وبنوعد الله فيها أننا هنبدأ حياة جديدة

صلاة وصوم وتناول وتسبحة وتغيير من جديد...
لكن مع الوقت قوة إرادتنا بتروح بدون قصد أو انتباه. 💔

أوقات تانية بنبدأ نضعف قدام مواقف أو أحداث أو أشخاص أو...
وبننسى دستور حياتنا الإنجيل بدون قصد أو انتباه.

يمكن كمان بيجي علينا أوقات بنكسر فيها كلام الله، ونتكلم إحنا فيما لا يُفيد،
لدرجة تخلينا نقع في خطايا اللسان. 👩‍🦯

كلنا بنعدي بالأيام دي وكلنا بتمر علينا لحظات ضعف، لكن المهم..

تخليك مصحصح. 👁
متبقاش زي شمشون، لما قال سر قوته لدليلة وهو مش منتبه وكسر وعده مع الله.

خليك حريص زي يوسف الصديق وهو واضع الله دايمًا قدامه في كل خطواته

وأفضل حاول واهرب من أي حاجة تسبب في بناء سور بينك وبين الله 🧱

وافتكر دايمًا إن "اللي يعيش مع ربنا، عمر نفسه ما تضعف" ♥️