منتدى الفرح المسيحى - كلنا محتاجين فرحه

https://upload.chjoy.com/uploads/166761551408931.jpg
كلنا محتاجين فرحه
فرحة تهزنا من جوه وبره ...

كل حد فينا تعب بطريقته ..واتوجع

كلنا مشتاقين للفرحه للضحكة اللي من القلب ..

ميغركش الابتسامة المزيفة اللي بتترسم علي وش كل واحد فينا
دي بتبقا قله حيله ..

ميغركش الضحك والهزار

الناس دي بتبقا اكتر ناس مليانة بلاوي ..مليانة جروح ملهاش اخر
احنا بنتشعبط في الفرحة وبنجري وراها بالمشوار ..

بنتمني اي حاجة تفرحنا وتنسينا همومنا ووجعنا وتعبنا ..

احنا عملين زي البيت اللي من غير عمدان اي شوية هوا ممكن يقع ..

عملين زي الحاجة الهاشة الضعيفة اي حاجة ممكن تكسرها ...

احنا محتاجين ترميم من جوه ..

محتاجين حد يصلح كل اللي جوانا من وجع وتعب ..

احنا محتاجين نفرح علشان نستاهل اننا نفرح
محتاجين بجد حد يصلح قلوبنا ويداويها ..

احنا محتاجين نفرح علشان احنا عاملين زي الزرع اللي نسي حد يسقية عطشاان للمية

احنا بقا عطشانين للفرحة ..

محتاجين حد يسقينا لحد ما نرتوي علشان الحزن والوجع خلانا دبلنا ..

تعبنا كتير. واسينا كتير واتوجعنا كتير..

هل هيجي اليوم اللي في ممكن نضحك من قلبنا زي زمان ..؟؟

نفسنا نفرح و نتضحك لحد ما نعيط من الفرحة كفينا دموع حزن

#املآ_قلوبنا_فرحا_ونعيما