منتدى الفرح المسيحى

https://upload.chjoy.com/uploads/166651530859461.jpg

الزمن جبار

دوا لحاجات ما لهاش دوا ..

الزمن يعلم ولادك اللى ما عرفتش تعلمه ليهم ؛ تعدى الايام و يكبروا و يعيشوا مع غيرك و يكتشفوا ان كل درس علمته ليهم كان عندك حق فيه ..
كمان يعرفوا قيمتك لما يتعاملوا مع غيرك و يعرفوا قيمة حبك و سندك و رعايتك و خوفك عليهم ، و يربى لسانهم الحاد و ردودهم الجامدة و تصرفاتهم القاسية..

الزمن كمان دوا للظلم و الظالم : ما بينساش حق حد ،
هو بس يسيبه شوية ، من ناحية يمكن يتوب ،
و من ناحية عقبال ما يرتب له و ينسج له العقاب المناسب ..
و تلف الايام و يشوف بعينه ظلم مقابل و رفع بركة الله عنه ،
و تشوفه انت بعينك : " إِنَّمَا بِعَيْنَيْكَ تَنْظُرُ وَتَرَى مُجَازَاةَ الأَشْرَارِ.
(المزامير ٩١: ٨)" ..
و كمان ربنا يعوضك أضعاف تعبك خير و بركة و رعاية
(«وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ (يوئيل ٢: ٢٥)

الزمن كمان جبار لانه بيكتب تاريخك امام الناس و امام الله ..
التاريخ البشرى لن ينصفك، و الناس مش ح تنسى غلطاتك
( الا لو تبت عنها و صلحتها ) ..
و حتى لو نسي الناس شرك ، و حتى لو زيفوا سيرتك ،
يظل تاريخك محفوظ ليُفتح امام الله و يجازيك امام الكل عن أعمالك "كُتِبَ أَمَامَهُ سِفْرُ تَذْكَرَةٍ (ملاخي ٣: ١٦)..

خللى بالك من جبروت الزمن ..