منتدى الفرح المسيحى - بيحبني وحبه ليا عملي حتى لو أنا متستحقش 😍

https://upload.chjoy.com/uploads/166643080289641.jpg

زمان في مدارس الأحد وبعد ما بناخد الدرس
كان فيه حاجة اسمها "الآية الذهبية"
وكنا بنحفظ الآية الذهبية دي ونسمّعها.
أول آية ذهبية حفظتها بتقول كده: "وَلَكِنَّ ٱللهَ بَيَّنَ مَحَبَّتَهُ لَنَا،
لِأَنَّهُ وَنَحْنُ بَعْدُ خُطَاةٌ مَاتَ ٱلْمَسِيحُ لِأَجْلِنَا"
وخادم مدارس الأحد قال كده أنه كلمة "بَيَّنَ" دي
يعني عمل إعلان كل الناس شافته.
إلهنا مش بس بيقول أنه بيحبنا
. لكنه أعلن وبين وأظهر وكل الدنيا شافت حبه لينا.🥰

صديقي فيه محبة رخيصة وفيه محبة مُكلّفة
. المحبة الرخيصة اللي بتقول وتعلن كلمات بس.
والمحبة المُكلّفة اللي فيها دفع تمن.
الله مقالش بس أنه بيحبنا لكنه أظهر الحب ده في اللي عمله عشاننا ❤️
أقولك بقى حاجة أخيرة في الآية دي أنه بيقول كده "
ونحن بعد خطاة" يعني وإحنا منستاهلش مات المسيح عشانا..
. يعني بص عليها كده تلاقي مستوى جديد تالت من الحب
الأولاني حب عادي، التاني حب مُكلّف، التالت حب مُكلف
لحد ميستحقش،
يعني:
بيحبني وحبه ليا عملي حتى لو أنا متستحقش!😍