منتدى الفرح المسيحى

https://upload.chjoy.com/uploads/166569173518381.jpg

لو عايز تعرف ايه اكتر حاجة
مهمة عندك ومتعلق بيها.. ركز مع قلبك
وانت تعرف ايه اللي بيحركك؟.. ايه اللي بيهمه؟
ايه اللي مستعد يعمل اي حاجة علشان خاطره؟
وايه اللي مستعد يضحي بوقته وطاقته وفلوسه احيانا
علشان يكسبه او يكمل فيه؟!..
الكتاب المقدس بيقول كدا..
"لأَنَّهُ حَيْثُ يَكُونُ كَنْزُكَ هُنَاكَ يَكُونُ قَلْبُكَ أَيْضًا."(مت 6: 21)
احنا بطبيعتنا قلبنا بيتعلق باللي بياخد اهتمامنا ووقتنا
وطاقتنا وبيشغل تفكيرنا وبياخد اغلب يومنا..
علشان كدا نوعية الحياة اللي بنعيشها..
هي اللي بتقول احنا هنكمل في انهي طريق؟
هنكنز وهنستثمر في انهي طريق؟
في طريق ربنا وخدمته والأمانة تجاهه؟
ولا في طريق العالم المادي بكل شهواته ونزعته الاستهلاكية
اللي ليها متطلبات كتير اوي تستدعي
التضحية بالوقت والمجهود والطاقة؟!..
أشجعك تفتكر ان اللي هتزرعه هنا على الأرض
هو اللي هتكمل بيه وهتحصده في الأبدية..
واللي قلبك هيتعلق بيه هنا على الأرض
هو اللي هيكمل يتعلق بيه في الأبدية.