منتدى الفرح المسيحى

https://upload.chjoy.com/uploads/166533305821781.jpg

حبة بركة

ده غير "حبة البركة" المعروفة ..

"حبة بركة" من ربنا على حبة صلاة على حبة شكر
و رضى علي يومك و طاعة لوصاياه ، تخلليه منور و حلو
و سعيد و مشرق بالخير ..

حط البركة دى على فلوسك و رزقك بالرضى و الإحسان
و الخير و العطاء و الأمانة تكترها و تحافظ عليها من سوء الصرف و التصرف ..

و حط البركة دى في كلامك بالتشجيع و عفة اللسان
و ابتسامة الترحيب و كرم الاخلاق ، تكسب الناس و تفتح قلوبهم ..

البركة دى لو حطيتها على عيلتك بالتواضع و الحب
و رقة المعاملة و حسن الطباع ، تملا بيتك و اسرتك نعيم و سلام ..

كمان حبة بركة على صحتك مع الاعتدال و عدم الإسراف
و التوازن بين عملك و راحتك ، مع إكرام المحتاج
و الحنية على المريض تخليك فى كمال السلام ..

و حبة بركة على شغلك مع العفة و الأمانة و الالتزام
و حسن الخلق و المعاملة و خدمة الكل بفرح ،
تخليك أنجح واحد فى عملك ..

حبة بركة حطها على كل حتة فى حياتك
و شوف الفرق و السعادة و الهنا قد ايه كبير و كبير قوى..