منتدى الفرح المسيحى - خليك بركة يا بركة ♥️

https://upload.chjoy.com/uploads/166521570052491.jpg

ساعات باسأل نفسي هو أنا ممكن أمنع البركة عن حياتي؟
في قصة أبونا إبراهيم وعد الله كان بالشكل ده :
فَأَجْعَلَكَ أُمَّةً عَظِيمَةً وَأُبَارِكَكَ وَأُعَظِّمَ اسْمَكَ، وَتَكُونَ بَرَكَةً.
(التكوين ٢:١٢) ♥️✨
يعني أنا هاباركك يا إبراهيم و هابارك بيك غيرك
وكأن إبراهيم اتحول لقناة بتعدي فيها البركة من الله للناس
وجود البركة جواه مباركاه ومرورها من خلاله بيبارك غيره
دي دعوة الله لحياتنا كلنا أننا نتبارك و نبارك غيرنا

علشان كده أوعى تكون بتمنع البركة عن غيرك🚱
لاَ تَمْنَعِ الْخَيْرَ عَنْ أَهْلِهِ، حِينَ يَكُونُ فِي طَاقَةِ يَدِكَ أَنْ تَفْعَلَهُ
.(الأمثال ٢٧:٣)👌
لأنك لو عملت كده هتقفل باب البركة في حياتك
فَمَنْ يَعْرِفُ أَنْ يَعْمَلَ حَسَنًا وَلاَ يَعْمَلُ، فَذلِكَ خَطِيَّةٌ لَهُ.
(يعقوب ١٧:٤)
خليك بركة يا بركة ♥️