منتدى الفرح المسيحى - علشان يوصل لكل سامرية وسطنا

https://upload.chjoy.com/uploads/166357715518381.jpg

لو السامرية عايشة في وقتنا ده!!
حاجات كتير أوي كانت هاتحصل بدون رحمة أو شفقة
أو حتى بحيادية... الأهل مكانوش هايسيبوها تعيش
لأن القضية بالنسبة لهم قضية شرف
. الناس كانوا هاينّصبوا نفسهم قُضاة وحكام عليها
ويصدروا أحكام قاسية. رواد السوشيال ميديا
كانوا هايستغلوا قصتها في عمل محتويات يجيبوا بيها اللايك والشير.
ناس تاني هيحاولوا يستغلوها لأنها بالنسبة لهم فريسة جاهزة للصيد. وناس على حساب قصتها واللي حصل معاها هايظهروا نفسهم أبرياء وكويسين ونادراً لو حد حط نفسه مكانها وحاول يساعدها..
. المجتمع والناس هايبقوا قاسيين أوي عليها..
.لكن كان هايبقي حضن الرب مفتوح ليها برضوا، قابلها وحاببها بكل اللي فيها وجاهز إنه يروي عطشها من الماء الحي...
الرب زمان مشي مخصوص علشان السامرية علي رجليه كتير أوي .. والنهاردة في عصرنا ده بيحارب علشان يوصل لكل سامرية وسطنا عايز يشفي انكسارها ويرويها من محبته ويحتضنها بقبوله ليها من غير شروط🤍