منتدى الفرح المسيحى - فأني أصفَحُ عن المَكانِ كُلِّهِ مِنْ أجلِهِمْ

https://upload.chjoy.com/uploads/166297114429951.jpg

فأني أصفَحُ عن المَكانِ كُلِّهِ مِنْ أجلِهِمْ…
في تك ١٨ : ١٦-٣٢
تتكرر ٥ مرات الجملة دي بمرادفتها ،
(مش هتنزل دينونة لو فيها أبرار)..
يمكن كتير بتسأل ليه لسه موجود في الشغل دا
وكل اللي حواليك أشرار ( مش بيخافوا الله ) ‼️
يمكن عندك عتاب علي ربنا ليه أوجدتني في الأسرة أو العيلة دي،
بظروفهم دي وجودك مهم جدًا
- عشان يفضل فيه أمل في المكان
- عشان يؤجل وقوع نتيجة خطيتهم ( دينونتهم )
- عشان تستمر رحمة ربنا ليهم
عشان ربنا بيمد الفرصة أنهم يعرفوه :
بكلامك، بسلوكك، بصلاتك
مدرك لو مشيت من مكانك ممكن يحصل إيه
أنت ملح ( للمكان اللي موجود فيه )
أنت نور ( للناس اللي موجود معاهم )
تعال اقف مع إبراهيم و اتشفع عن بيتك عن عيلتك عن شغلك عن منطقتك
يارب لا تهلك …….. من أجل ……. تك ١٨ : ٣١ 🤲🏼