منتدى الفرح المسيحى - بيورثوا منك ايه

https://upload.chjoy.com/uploads/166257742794951.jpg

وقف أبونا إبراهيم وطلب نسل، وكان سند لمراته سارة طول الوقت..

ويجي إسحق و يكون شبه أبوه.
. أكيد سارة حكيتله عن سنين انتظارهم ليه، وعن سندة أبوه ليها..
أكيد إبراهيم حكاله
قد إيه أمه كانت مستنياه...
اكيد حكاله تفاصيل كتير عن سنين عاشوها معاه وهو صغير
.. وتفاصيل عن غلاوته، فلما كبر اسحق واتجوز
واتأخرت رفقة مراته في الحمل يقول الكتاب
وَصَلَّى إِسْحَاقُ إِلَى الرَّبِّ لأَجْلِ امْرَأَتِهِ لأَنَّهَا كَانَتْ عَاقِرًا،
فَاسْتَجَابَ لَهُ الرَّبُ (التكوين ٢٥: ٢١)..
اسحق وقف واتشفع لمراته زي أبوه..

افتكر أنه زي ما الجينات الوراثية بتتنقل منك لولادك،
إيمانك وسلوكك بيتنقل ليهم..
الأبوة مسؤلية...