منتدى الفرح المسيحى - هيلمسك ويرجعلك قوتك من تاني

https://upload.chjoy.com/uploads/166210996095991.jpg

الكتاب المقدس لما حبّ يبيّن إزاي ربّنا بيدعمنا في ضعفنا،
جاب واحد من أقوى الأنبياء وهو (إيليا) في وقت ضعفه،
وإزاي ربنا اتعامل معاه.
إيليا. النبي الناري. اللي محدّش يتخيّل إنه يخاف أو يضعف في وقت.
جه في وقت طلب من الله إنه يموت. أيوه كان عايز حياته تنتهي.
قال لربنا كده
"خُذْ نَفْسِي لأَنِّي لَسْتُ خَيْرًا مِنْ آبَائِي.
بس الله ماتركهوش لاكتئابه كده. يبعتله ملاك يسنده.
"وَإِذَا بِمَلاَكٍ قَدْ مَسَّهُ وَقَالَ: «قُمْ وَكُلْ».
ثُمَّ عَادَ مَلاَكُ الرَّبِّ ثَانِيَةً فَمَسَّهُ وَقَالَ: «قُمْ وَكُلْ، لأَنَّ الْمَسَافَةَ كَثِيرَةٌ عَلَيْكَ».
فَقَامَ وَأَكَلَ وَشَرِبَ،
وَسَارَ بِقُوَّةِ تِلْكَ الأَكْلَةِ أَرْبَعِينَ نَهَارًا وَأَرْبَعِينَ لَيْلَةً إِلَى جَبَلِ اللهِ حُورِيبَ."
يعني ببساطة حتى القوي ممكن يجيله وقت يضعف ويكتئب.
بس الجميل أن الله عمره ما يسيبه لضعفه واكتئابه يغلبه. لكن يتدخّل وينقذه.

لو أنت في وقت ضعف يا صديقي. اطلب معونة من الله وهو هايلمسك ويرجّعك لقوّتك من تاني.